قوي مناعتك ضد الكورونا
التغذيه السليمه هي اللي هتساعدك تقوى مناعتك ضد الكورونا أو أي فيروس غيره .. علشان كده مقال الأسبوع ده من TSS Nutritionistهيكون عن أزاي تقوى مناعتك وتحافظ على جسمك ؟
واول خطوه لازم تعملها انك تحافظ علي جهازك المناعي لان هو خط الدفاع الاول ليك في مواجهه الفيروس و علشان جهازك المناعي يكون اقوي بننصحك تتبع
التعليمات دي :
١-النوم بشكل جيد مش اقل من ٦ ل ٨ ساعات هيحسن من مناعتك جدا
٢-ابعد عن التوتر و القلق والعصبيه لانهم العدو الاول لجهازك المناعي
٣-كل اكل صحي و حافظ علي وزنك انه ميزدش
٤-لو مدخن قلل من التدخين علي قدر الامكان
٥-نظامك الغذائي لازم يحتوي علي خضروات وفاكهه لانها غنيه بالفيتامينات ومضادات الاكسده
٦-من الاطعمه اللي هتساعدك جدا في تقويه جهازك المناعي:
-الحمضيات زي الليمون والبرتقال
-البروكلي لانه بيحتوي علي فيتامين C. A. E
-الثوم وده يعتبر صيدليه متكامله وفوائده لا تعد ولا تحصي
-الجنزبيل والكركم والشاي الاخضر
٧-من اهم الفيتامينات اللي لازم تاخدها علشان تعزز جهاز المناعه فيتامين c وفيتامين b6 و فيتامين e ممكن تستخدم كل واحد لوحده او انك تستخدم multivitamins هيكون فيها ال ٣ دول مع باقي الفيتامينات والمعادن اللي جسمك محتاجها
٧-الاهتمام بالنظافه الشخصيه وتطهير وغسل الايدين بشكل مستمر علي مدار اليوم
٨-حاول تمارس رياضه وتمارين مقاومه في البيت لو الجيم قافل علي الاقل ١٥ دقيقه يوميا وده هيساعدك جدا في تقويه جهازك المناعي.