المكملات الغذائيه في رمضان


هنعرفك انهاردة ايه هي
اهم المكملات الغذائيه اللي المفروض نستخدمها في رمضان
1- الكازين :
طبعا اهم مكمل لازم تستخدمه في رمضان هو الكازين لانه بروتين بطئ في الامتصاص وبيغذي عضلاتك بالاحماض الامينيه علي مدار 8 ساعات فأنسب وقت تستخدم فيه الكازين هو من 1 الي 2 سكوب في وجبه السحور علشان تضمن ان ميحصلش هدم في عضلاتك علي الاقل لمده 8 ساعات في الصيام .

2 – المالتي فيتامين :
لان من الصعب خلال رمضان توفر كل الفيتامينات والمعادن اللي الجسم محتاجها علشان يقوم بوظائفه الحيويه بشكل سليم علي مدار اليوم فلازم تستخدم مالتي فيتامين علشان تضمن ان جسمك بيحصل علي الفيتامينات والمعادن اللي محتاجها .

3- الجلوتامين:
الجلوتامين من اهم المكملات اللي بتقلل من معدلات الهدم و اللي بتساعد علي الاستشفاء العضلي بشكل كبير واكيد هتحتاجه في رمضان علشان تمنع وتقلل من الهدم علي اد ما تقدر وافضل استخدام ليه 1 سكوب بعد التمرين و 1 سكوب مع وجبه السحور

4- الـ BCAA
تعتبر من اهم الأحماض الامينيه اللي لازم تستخدمها علشان تسرع من عمليه الاستشفاء العضلي و تقلل من الهدم العضلي و تساعدك في امتصاص البروتين بشكل افضل و هتحسن من ادائك في التمرين وافضل استخدام ليها 1 سكوب اثناء التمرين

5- الواي بروتين :
لان الوقت ما بين الافطار والسحور قليل جدا و ناس كتير ممكن متعرفش توفر كميه البروتين اللي هي محتاجها من الاكل بس فعلشان كده بننصحك تاخد واي بروتين علشان تكمل بيه بروتين يومك وافضل استخدام ليه هيكون 1 سكوب مع وجبه الافطار لان الجسم بيكون بقاله فتره طويله مش واصله اي بروتين وبيكون محتاج بروتين سريع في الامتصاص زي الواي و 1 سكوب بعد التمرين علشان يوصل لعضلاتك بشكل سريع .
تابع مقالات TSS Nutritionist