ازاي تعمل دايت؟
علشان تعمل دايت صح لازم تكون عارف كل احتياجات جسمك من حيث السعرات حرارية ، البروتين ، الكاربوهيدرات ، الدهون ، الفيتامينات ، والاملاح معدنية .
ناس كتير فاكرة ان الدايت عبارة عن ان الواحد لو عايز يخس فهو مجرد ياخد سعرات حرارية اقل من اللي جسمه محتاجها ، ولو عايز يزيد ياخد سعرات اكتر من اللي جسمه محتاجها ، مع اهمال النسب الصحيحة من البروتين والكاربوهيدرات والدهون والفيتامينات والاملاح المعدنية .
وده بيكلف اللي عايز يخس انه يخسر من كتلة العضلات بالاضافة لخسارة الدهون ، وبيكلف اللي عايز يزيد انه ممكن يزيد دهون فقط .
وبالتأكيد ديه حاجة غير مستحبة للشخصين ، ده غير الاضرار التانية الناتجة عن نقص الفيتامينات والاملاح المعدنية اللي بيترتب عليها الشعور بالاجهاد والتعب وشحوب الوجه 

فعلشان تعمل دايت سليم لازم تكون عارف :
)Basal metabolic rate (BMR1-
وده معدل الايض الاساسي او السعرات اللي جسمك بيستهلكها بدون اي مجهود بتعمله طول اليوم .
Activity Factor-2
وده عبارة عن معدل نشاطك اليومي بحيث ان كل نشاط بتعمله ليه معدل نشاط خاص بيه .

( Total daily energy expenditure ) TDEE-3
وديه عبارة عن الطاقة او السعرات الحرارية الكلية اللي جسمك بيستهلكها فى اليوم.
وديه بتكون معتمدة علي حاجتين :
الBMR وال Activity factorاللي قولنا عليهم .
• وبعد ماوصلنا لل TDEE نبدأ نظبط حسابتنا بحيث ان لو الشخص عايز يخس هنقلل الكالوريز فالدايت عن ال TDEE ، ولو عايز يزيد هنزودها عنها.
• بعد كده نيجي لأهم حتة وهي حساب البروتين والكاربوهيدرات والدهون والفيتامينات والاملاح المعدنية ، وديه اللي هيتحدد عليها احنا هنخس ايه (دهون ولا عضلات) وهنزيد ايه ( برضو دهون ولا عضلات) .
• وحساب النسب ديه بتعتمد علي حاجات كتير وبتختلف من شخص للتاني سواء كان شخص عادي او شخص رياضي .
علشان كده ضروري قبل اي دايت انك تعمل Inbody analysis علشان تعرف كل مكونات جسمك علشان تعمل دايت سليم ومحسوب صح ولو مش عارف تعمل لنفسك دايت سليم زي ماتكلمنا عليه يبقي تسيبها علي اخصائيين التغذية .