من فضلك ادخل كلمة البحث
EN
Back
ادخل البريد الاكترونى
ادخل كلمة المرور

المقالات

حوارق الدهون بتعمل ايه ؟!

حوارق الدهون بتعمل ايه ؟!

فى ناس فاهمه ان فى منتج معين من حوارق الدهون هو الحل السحرى للتخسيس و حرق الدهون من غير نظام غذائى ومن غير ممارسة رياضة ، وانه لما يستعمل المنتج الفلانى هيشتغل لوحده وهو نايم عادى كده وهيصحى يبقى فتنس مودل وال Six packs  باينة من التشيرت ، طبعا كل دى طموحات وامانى  لان سواء عاوز تقلل نسبة الدهون فى جسمك او حتى لو عاوز تزود عضلاتك او محتاج تزيد فى الوزن لازم تعتمد على نظام غذائى صحى مع ممارسة الرياضة مع الالتزام باسلوب حياة صحى وطبعا فى مكملات هتساعدك فى تعويض احتياجاتك من العناصر الغذائية وفى مكملات هتساعدك انك تكمل البرنامج الخاص بيك عشان توصل لهدفك ومن  اكتر المكملات الى ملخبطة الناس هى حوارق الدهون ، بسبب ان فى كتير مش عارفين المنتج ده بيتكون من ايه ولا هيشتغل ازاى فى الجسم ولا المفروض اعمل معاه ايه ولا استخدمه ازاى .وبردو بيستخدموا وطبعا من غير نظام غذائى ولا ممارسة رياضة وبعد كده بيرجع يقول ان المنتج ده ما اشتغلش معاه او موصلوش للنتيجة الى هو عاوزها ، فى المقال ده هنحاول نوضح ازاى حوارق الدهون  بتشتغل فى جسمك وازاى بتساعدك مع النظام الغذائى والرياضة انك تخسر نسبة كبيرة من الدهون وتحقق هدفك

حوارق الدهون هتعلى Metabolism  

يعنى هتعلى وتسرع من عملية التمثيل الغذائى الى هى عملية تحويل المواد الغذائية، من خلال الأنزيمات الى طاقة يحتاجها الجسم  وممكن نعرفها بانها عمليات البناء والهدم

Anabolism & catabolism  في الجسم  ، وهى بتضم جميع العمليات الكيميائية التي تحدث باستمرار داخل الجسم للمحافظة على العمليات الحيوية المختلفة مثل عملية التنفس وعمليات هضم الطعام والتخلص من الفضلات،و كل العمليات الكيميائية المختلفة محتاجة طاقة عشان تتم ، ويطلق مصطلح ( Basal Metabolic Rate) معدل عمليات التمثيل الغذائى الاساسية (BMR) على  الحد الادنى من الطاقة اللي يحتاجها الجسم للقيام بالعمليات الكيميائية المختلفة ،وكل ما معدل الحرق بقى اعلى كل ما جسمك هيحرق سعرات حرارية اكتر وهيخزن دهون اقل،و من اهم المواد الى بتساعدك فى تعلية عملية التمثيل الغذائى هو الشاى الاخضر Green Tea  كمان هو من مضادات الاكسدة المفيدة للصحة بشكل عام كمان هو من مدرات البول الطبيعية الى هتساعدك تتخلص من السوائل الزيادة فى الجسم.

حوارق الدهون هتعلى Thermogenesis  :-

ودى عبارة عن عملية توليد الحرارة الى هى عملية حرق السعرات الحرارية من الدهون المخزونة فى الجسم عن طريق تعلية درجة حرارة الجسم الداخلية وده بيساعد على توليد مصادر للطاقة للجسم وبيسرع من فقد الدهون.ومن اهم المنتجات الى بتساعد فى تعلية  Thermogenesis هى الكافيين caffeine  الى موجود فى القهوة كمان الكافيين بيسرع من معدل التمثيل الغذائى ل fatty acids  وبيقلل من معدل التمثيل الغذائى للكربوهيدرات اثناء التمارين الهوائية زى الجرى او المشى  ، ومنتجات تانية  هتساعدك معظمها اعشاب ونباتات زى:

            kola nut, guarana, yerba mate, raspberry ketones, coleus forskohlii 

حوارق الدهون هتعلى Lipolysis :-

 الى هى  باختصار عملية تكسير stored triglycerides   الى: glycerol and fatty acids يعنى هتزود تكسير الدهون داخل الخلايا الدهنية وده معناه ان فى fatty acids  اكتر هتكون موجودة خارج الخلايا الدهنية وموجودة فى bloodstream الى بيسهل ويسرع من حرق الدهون خصوصا كمان لما تكون عملية  Thermogenesis  عالية ، ومن اكتر المواد الى هتساعدك فى العملية دى الكافيين بردو ومكونات تانية هتساعدك زى Conjugated linoleic acid (CLA) ، Forskolin، Yohimbine .

حوارق الدهون هتزود نشاط The thyroid gland  :-

الغدة الدرقية وهى المسئولة عن عمليات التمثيل الغذائى, و سرعة الجسم في استخدام الطاقة ،وفى مكونات طبيعية بتساعدك على تحسين عمل الغدة الدرقية وتادية وظائفها بشكل طبيعى ، لان لو فى شخص بيعانى من قصور فى الغدة الدرقية بيبقى عنده صعوبة جدا فى خسارة الوزن وعشان كده الاطباء بيطلبوا منك بعض التحاليل قبل ما تعمل نظام غذائى عشان يحدد اكتر اسباب المشكلة ،ومن اهم المكونات الى بتساعد فى تحسين عمل الغدة الدرقية هو الحمض الامينى L'TYROSINE  الى جسمك بينتج عن طريق حمض  phenylalanine وهو موجود فى اللحمة والسمك والبيض والمكسرات ،وله دور مهم فى تحسين عمل الغده الدرقية وكمان بيساعدك  فى زيادة معدلات الطاقة وزيادة معدل التمثيل الغذائى وكمان بيساعدك على زيادة التركيز .

حوارق الدهون هتقلل الشهية APPETITE SUPPRESSANT  

مش قصدنا هنا انها مش هتخليك تاكل خالص احنا عارفين ان ده غلط وان اهم حاجة هى الالتزام بنظام غذائى صحى متوازن مع ممارسة الرياضة ولكن فى كتير منا بيضعف قدام الاكل او متعود ياكل كميات كبيرة من الاكل فحوارق الدهون هتشتغل على تقليل الشهية عشان تحد شوية من الافراط فى الاكل ، وتعالوا نشوف ايه الى هيحصل فى جسمنا عشان نقلل الشهية اول حاجة فى هرمون فى الجسم اسمه cck  اوCholecystokinin وده هرمون بتفرزه المعدة لهضم البروتين والدهون

و الهرمون ده يقوم بدور كابت للجوع في الدماغ، يعمل الكوليسيستوكينين كناقل عصبى يتحكم بالشبع .وفى مكونات كتيرة بتزوده عشان تدينا الاحساس بالشبع زى Cha-De-Bugre, Jojoba Seed Extract. Hoodia Gordonii,

ومن ناحية تانية فى دراسات اكدت على دور هرمون CCK فى زيادة الاحساس بالشبع ، كمان له دور فى تقليل هرمون gherlin هرمون الجوع وده هرمون بتفرزه المعده و بيتحكم فى زيادة احساسك بالجوع وبيكون فى اعلى مستوياته ما بين الوجبات وقبل الاكل.

وفى مكونات تانية زى:

Glucomannan  وهو عبارة عن الياف بتساعد على الشعور بالشبع والامتلاء.

فى مكون تانى اسمه 5-Hydroxytryptophan (5-HTP)  وده حمض امينى جسمك بيستخدمه لانتاج هرمونات SEROTONIN و MELATONIN ،هرمون سيروتونين او هرمون السعادة بيساعدك فى تقليل الشهية و الحد من Food CRAVING ، كمان ميلاتونين بيخليك تحس بالهدوء وبيقللك التوتر،عشان كده منتجات 5-Hydroxytryptophan (5-HTP ممكن تساعدك على تقليل الشهية خصوصا فى الاوقات المتاخرة من اليوم لان CARB craving تقريبا بيبقى فى اعلى وقت ليه فى اخر اليوم.

 حوارق الدهون هتقلل انزيم LPL LIPO PROTEIN LIPASE  

طبعا كلنا سمعنا عن CLA  Conjugated linoleic acid (CLA)  وهى عبارة عن fatty Acids بتساعدك فى تقليل نسبة الدهون فى جسمك عن طريق دورها فى تقليل انزيم lipoprotein lipase (LPL)  وده الانزيم المسئول عن تخزين الدهون داخل الخلايا الدهنية فى الجسم والى بيزود طبعا نسبة الدهون فى جسمك ، وهنا يجى دور CLA بتقليل عمل انزيم LPL فى تخزين الدهون وده بيساعد جسمك على منع زيادة نسبة الدهون وفى نفس الوقت بيسرع ان جسمك يعتمد على الدهون دى كمصدر للطاقة.

حوارق الدهون هتزود عملية fat oxidation

باختصار كده مراكز انتاج الطاقة جوه كل خلية فى جسمك اسمها ميتوكوندريا ، فى مكونات زى l-carnitine وده حمض امينى بيقوم بنقل ال fatty Acids الى ميتوكوندريا الخلية عشان جسمك يستغلها فى انتاج الطاقة واهمية دور L-carnitine ان فى نوع من الدهون اسمه long-chain fatty acids  ,وده بيبقى بطىء نسبيا فى الوصول للميتوكوندريا ولكن فى وجود ال كارنتين بيبقى نقله للميتوكوندريا اسرع .وبكده جسمك هيعتمد على الدهون المخزنة كمصدر للطاقة.

حوارق الدهون هتخلصك من      excess water weight

يعنى هتخلصك من المياه الزيادة عن الحد فى الجسم ، كتير منا بعد ما بيعمل Body Composition analysis  بيلاقى ان جزء كبير من الوزن الزائد نتيجة زيادة المياه عن الحد الطبيعى فى الجسم طبعا نتيجة الاكل غير الصحى وكتر الاملاح فى اكلنا ده بيخلى جسمنا يحتفظ بمياه اكتر من اللازم والفكرة من الجهاز ده انه بيقيس الوزن والطول ووزن العضلات ووزن الدهون وكمان وزن المياه الزائدة، وطبعا عشان تتخلص من المياه الزيادة الى فى جسمك لازم تمشى على نظام غذائى صحى وتشرب مياه كويس جدا مع طبعا ممارسة الرياضة،وفى مكونات داخل حوارق الدهون هتساعدك انك تتخلص من السوائل الزيادة وهتلاقيها باسم Diuretic  او مدرات البول والفكرة فى المكونات دى انها بتخلى جسمك يتخلص من الاملاح والمياه الزيادة عن طريق البول ، وفى مكونات كتير بتساعدك فى التخلص من المياه زى : Dandelion Root وCelery Seed  الى هى جذور الكرفس،juniper berry fruit،وكمان الشاى الاخضر هيساعدك من التخلص من المياه الزيادة.

حوارق الدهون و Alpha 2 recebtors   :-

ودى مستقبلات مسئولة عن تخزين الدهون فى الجسم وبالاخص بتكون فى المناطق الى بتتراكم فيها الدهون بسهولة زى منطقة البطن والارداف ، Alpha 2 recebtors  بتقلل من عملية Lipolysis  الى زى ما وضحنا دى عملية مسئولة عن تكسير الدهون داخل الخلايا الدهنية ،وهنا يجى دور alpha2 receptor antagonist  ودى مكونات هتقلل من عمل المستقبلات دى وبالتالى جسمك مش هيخزن دهون فى المناطق دى بنفس الصورة ، كمان جسمك هيحرق دهون بصورة اسرع ، ومن اشهر alpha2 receptor antagonist  هو نبات Yohimbine  وده نبات فى غرب افريقيا بيستخدم لحرق الدهون وتزويد الجسم بالطاقة كمان له تاثيرات ايجابية على زيادة  الخصوبة وعلاج الضعف الجنسى .

حوارق الدهون و   BETA3 RECEPTORS -BETA2 RECEPTORS :-

 على عكس Alpha 2 recebtors  ، المستقبلات دى بتسرع من عملية حرق الدهون كمان هى بتحفز عملية Lipolysis  يعنى جسمك محتاج المستقبلات دى تبقى شغالة بصورة جيدة عشان يحرق دهون اسرع ، وهنا يجى دور beta-2-andrenergic-receptors  او beta-agonist  وهى محفزات مستقبلات البيتا   ومن اهمها Synephrine  او Citrus aurantium fruit  الى هى قشر البرتقال المر والى لها القدرة على تحفيز مستقبلات البيتا   ، وهى من النباتات الى بتسرع عملية حرق الدهون و تمد الجسم بالطاقة وبتقلل الشهية.

حوارق الدهون و Carbohydrates :-

حوارق الدهون هتساعدك فى عملية التمثيل الغذائى للكربوهيدرات او الجلوكوز بصورة صحية ، لانها بتحافظ على مستويات الانسولين فى الدم بصورة صحية وده مهم عشان استخدام الجلوكوز سواء فى الطاقة او تخزينه فى مخازن الجليكوجين ، بدل ما يتخزن كدهون، ومن اهم المكونات دى هو معدن الكروميوم Chromium الى بيساعدك فى Metabolism الكربوهيدرات و بيحسن مستويات السكر فى الدم وكمان بيحافظ على مستويات الانسولين فى الجسم.ومكونات تانية زى ALA Alpha Lipolic Acid .

و في نهاية المقال كده تقدر تلخص الموضوع كله في النقط دي :-

1- حوارق الدهون : هتعلى وتسرع من عملية التمثيل الغذائى .

2- حوارق الدهون : توليد الحرارة الى هى عملية حرق السعرات الحرارية من الدهون المخزونة فى الجسم عن طريق تعلية درجة حرارة الجسم الداخلية .

3- حوارق الدهون : هتزود تكسير الدهون داخل الخلايا الدهنية وده معناه ان فى fatty acids  اكتر هتكون موجودة خارج الخلايا الدهنية  .

4- حوارق الدهون : هتزود نشاط الغدة الدرقية وهى المسئولة عن عمليات التمثيل الغذائى, و سرعة الجسم في استخدام الطاقة .

5- حوارق الدهون : بتساعدك فى تقليل نسبة الدهون فى جسمك عن طريق دورها فى تقليل انزيم LPL

وده الانزبم المسئول عن تخزين الدهون داخل الخلايا الدهنيه .

6- حوارق الدهون : هتعلى مراكز الطاقه داخل كل خليه عن طريق الميتوكوندريا واللى بيعمل كده هو ال L-carnitine  .

7- حوارق الدهون : هتخلصك من الدهون الزيادة اللى فى الجسم .

8 – حوارق الدهون هتساعدك فى عملية التمثيل الغذائى للكربوهيدرات او الجلوكوز بصورة صحية .

9- هتسرع من عمليه حرق الدهون .

 

 

مقالات ذات صلة

التعليقات

0 التعليقات