من فضلك ادخل كلمة البحث
EN
Back
ادخل البريد الاكترونى
ادخل كلمة المرور

المقالات

عايز تخس؟ خد ليبو 6

عايز تخس؟ خد ليبو 6

طبعا اي حد عايز يخس اول ما سأل اخد ايه اتقالوا خد ليبو سكس, طب اشمعنا الليبو 6 وبيعمل ايه بظبط وايه اضراره؟

في المقال ده هنتكلم عن كل حاجة خاصة بالليبو سكس :

الليبو سكس هو منتج من شركة Nutrex و في منه نوعين للرجال والستات :

Lipo 6 Black Ultra Concentrate

Lipo 6 Black Ultra Concentrate Hers

الفرق ما بين الـ 2 هو وجود فيتامين B12 والفوليك اسيد في الـ HERS بس

 

ايه هي مكونات الليبو سكس :

Caffeine Anhydrous : يعتبر مفيش حارق دهون مفيهوش الكافيين و ده لدوره في زيادة التنبيه و تحسين ورفع مستويات الطاقة مؤديا لحرق سعرات حرارية اكتر خلال اليوم كمان الخلايا الدهنية في الجسم بيبقي مرتبط بمستقبلاتها الـ Nucleotide Adineson وده بيبقي عامل زي القفل كده علي الخلايا الدهنية, لما بتاخد كافيين بيقدر انه يرتبط بمستقبلات الخلايا الدهنية دي وساعتها الاحماض الدهنية بيحصلها اطلاق من الخلايا الدهنية, يعني بتطلع برة الخلايا الدهنية.

نوع الكافيين اللي في الليبو سكس Anhydrous يعني متجفف خالص من المياه و ده تأثيره بيبقي اعلي

Theobromine Anhydrous : و دي مادة موجودة بتركيز اكتر في الكاكاو وتعتبر فوايدها زي فوايد الكافيين كده بس هي مش بتشتغل علي تحفيز الجهاز العصبي المركزي زي الكافيين, كمان الـ Theobromine بيخلص الجسم من المياه الزايدة

Synephrine : ليه اسم تاني هو Advantra  و اسم تاني برضه البرتقال المر

ميزة الـ Synephrine انه بيحفز المستقبلات الخاصة باطلاق الدهون من جوة الخلايا الدهنية لانتاج طاقة منها ده غير انه بيزود معدل الحرق

Yohimbine  : الـ Yohimbine بيزود وبيضاعف كمية الاحماض الدهنية اللي طالعة من الخلايا الدهنية وكمان بيحفز الجهاز العصبي المركزي عشان الجسم ينتج Noradrenaline وده بيزود معاه الـ Nitric oxide او اكسيد النيتريك المسئول عن ضخ الدم ونتيجة ده ان حجم تمدد الاوعية الدموية بيزيد وعشان كده بيعتبروا الـ Yohimbine من العناصر المهمة للـ Sexual Support

في نوع كمان من الـ Yohimbine  اسمه Rauwolscine وده موجود برضه في الليبو سكس وميزته انه فعال ونشط اكتر ولما بتاخده مع الـ Yohimbine بيعطلوا تماما عملية تخزين الدهون وبينشطوا عملية اطلاق الدهون من الخلايا

ايه هي جرعات الليبو سكس؟

بيتاخد منه كابسولتين علي مدار اليوم :

اول كابسولة بتتاخد اول ما تقوم من النوم علي بطن فاضية قبل الاكل بنص ساعة

تاني كبسولة بتبقي بعد اول واحدة بـ 6 ساعات (ومش شرط تبقي قبل التمرين)و الجرعة القصوي ليه هي كابسولتين, متزودش عن كده, و اقصي فترة استخدام لليبو سكس هي 8 اسابيع متتالية بعدين توقف شهر و ترجع تستخدمه تاني لو محتاج

ايه هي اعراض الليبو سكس؟

ممكن يبقي في توتر و أرق في اول فترة استخدامه, و تسارع في ضربات القلب و ارتفاع في ضغط الدم طفيف

من المهم جدا ان ميكونش عندك اي مشاكل صحية في حالة استخدامك لليبو سكس او اي حارق دهون بشكل عام, يعني لو في اي مشاكل في القلب و الضغط او امراض الكبد والكلي بلاش تاخده خالص لانه هيأثر عليك بالسلب

اعراض الليبو سكس غالبا بتختفي بعد اول 4 ايام من الاستخدام, لو بتحس بالاعراض دي لفترة اكتر من 6 ايام يا ريت توقف استخدام المنتج وتكشف لان اكيد في حاجة مسببة لان اعراض المنتج تستمر, والاحسن انك تتطمن علي نفسك قبل ما تستخدم المنتج او اي حارق دهون بشكل عام

 

و في الاخر لازم تعرف ان حارق دهون ما هو الا عامل مساعد ليك, يعني بما انك عايز تخس لازم الاول تظبط الدايت بتاعك و تمرينك و اسلوب حياتك, حارق الدهون مش ساحر, مش هتبقي بتعك في الاكل و مستني تخس, مش هيحصل و لو حصل يبقي خسيت عضل او مياه

مقالات ذات صلة

التعليقات

2 التعليقات
21 Aug 2016, 10:57 am
AbdElRahman.ui@gmail.com

AbdElRahman Ahmad

جميل

29 Jan 2017, 11:06 am
tato_123eg@yahoo.com

tamer hassan ali

thank uuuuuuuuuu